Syair Untuk Kaumku

Selasa

 

Topos yang jelita,disanalah cakrawala sejati menempah hidup ini...

Di kelilingi pegunugan membentuk cadas kokoh pagar diri...

Hati yang terbesit anyaman mustika sakti untuk menjelajah pelosok negeri...

Airmu yang jernih,mendulang diri dalam ayunan tanah sakti...

Sejatinya engkau telah berumur,tapi sungguh bagi kaumku engkau masih muda dan gagah..

Topos yang anggun,akankah namamu sanggup aku pikul

 untuk mendaki..

Di sela ancaman angkara murka dengan lidah penuh luka menyelimuti mayapada ini..

Topos yang jelita,katakan padaku apakah bunyi gaduh di luar sana ? apakah bunyi lebah menuang madu,atau bunyi manusia berebut kepalsuan..?

Dalam nasehatmu yang menjulang tinggi,sepatutnya takku hiraukan gemuruh itu..

Yahu yahu ketibin merak Allah,mauri Muhammad dalam Rasulullah..Tunggu nabi dayatullah lang gemilang cahayo Allah...

Tegaklah kaumku pada kebenaran dalam kalimah Laa ilahaillalah...

Cairo,Mesir - 2012

H Anton Sj

 

Continue Reading | komentar

Sebuk Pet Lem Idup

Perneak lem crito mena'o..ade tun idup peset,hnemau dau..btunok ati,awok bi tuai...kwaai bi mningea kute,ijai anok lumang idup saro. Neak sadei coa tun mangap ige..Seakan idup ne laher coa tun namen,matei kulo coa tun lok namen..bi aper bladeu si yo meker kesaro idup...
Akhir ne,siket crito..si temau ngen tun tuai dong mngewea neak iding bioa,lajau ba si mngukup ngen tun o..cemrito kesaro idup ne. Nadeak tun dong mengewea o,cubo ko mok bioa npek lem samang/caker..sudo tun o mok,npek tun tuai o serbuk pet unok bioa dcaker o..snayo ne muk. Nadeak tun tangung saro yo ' padeak kpet bioa yo wok..' sudo o najok tun tuai o moi iding lubuk..npek ne kulo serbuk pet o moi lem lubuk,snayo ne igai tun idup saro yo muk bioa lubuk o didik..nadeak tun saro o ' coa traso pet awei ano wok ' Tun tuai o cuma singum bae miuk jawaban ne..
Bi sudo awei o,tun tuai o majok tmot iding lubuk o..samo demnong lubuk,lajau ba si madeak,serbuk pet o ade ba cobaan lem idup..bioa o ibarat prasaan ngen atei te tmimo ne,amen ite mlapang prasaan ngen atei te..mako pet o coa traso,tapi amen ite sempit atei ngen parasaan te..mako asai pet o trus traso. An tun malang o menung miuk kecek tun tuai o,smudo ne si paham maksud ne....belek kunei o,lajau ba si smangat lem idup...usaho nea ne,mako muloi ade ubeak idup ne kareno petueak tun tuai o ano.

Dio sekedar crito bae die..tai ne,idup yo harus nlapang..jibeak sempit jangkauan pekeran,jibeak sempit prasaan..Amen spit prasaan,spit atei..mako idup traso benek. 

Smugo bermanfaat...H Anton Sj - Topos

Continue Reading | komentar

Renungan Magea Ite

Idup manusio,amen bi penuak ngen perasaan tamak,mako denio yo traso sepit magea tun awei o. Dio ade cerito tun mena'o,cerito yo terjijai neak daerah Baghdad/Iraq. Ade juragan taneak menea pengumuman magea masyrakat ne..ijai isai pengumuman o ade ba, buliak masyarakat daerah o mok taneak ne..tapi ade syarat,syarat ne ade ba..paneu muloi matai bilai timoa kunei umeak juragan o..sudo o belek igai sapei jako maghrib. Keuak ipe tun o paneu,klibea o ba taneak ijai hok milik ne. Ijai miuk pengumuman o, dau de antusias ne..cuma de paling nien ne ade o..do o ba tun tamak ngen taneak neak daerah o. Kareno si o sangup ngen syarat juragan kayo o,mako sudo shubuh si minoi izin paneu sesuoi ngen syarat juragan o nano, ayok lalau juragan taneak o madeak..nemin ba sangau neak dalen,bareak bioa serto upan-upan luyen.
Sudo si semiap kute,mako muloi ba si brakat, trus tun o paneu..tetiko agok mengacap didik, coa makei bedan..sapei coa tinget menem bioa igai. Muloi cunung pelbeak tun o muloi cigai tenago, cuma si trus meker amen si bedan..kedau meter si rugai ngen taneak. Sekitar jam pat pelbeak,tun o bi muloi cigai tenago matai bi muloi kunang-kunang..bedan ba si tegoa,muk bioa ngen sangau nemin ne pueng nano..kareno terlalu payeak paneu kunei pueng sapei pelbeak tameak igai langsung muk upan..mako meningea si ati ngut sapei penan umeak juragan taneak o nano. KEDAU SI DAPET TANEAK SMUDO NE..?? cuma duai meter lebiak kuang utuk kubua ne,kute harapan ne nano abis kareno ajea bi sapei. Ijai sanok-sanok keme kute ne, urusan taneak yo muloi kunei mena'o..tun tamak ngen hok,jabatan & luyen-luyen ne muloi kunei mena'o bi ade sessi.

Ijai pelajaran magea ite kute ne ade ba, coa barea ite mesoa hok..coa barea ite kayo,agamo coa temgeak kayo..agamo coa temgeak dau hok..bahkan agamo meluak manusio mesoa hok,cuma jibeak sapei tamak ige lem mesoa hok. Kareno tip manusio laher moi denio coa min jano-jano,hok milik de ade ngen ite..ade ba hok pinyem kunei Allah swt, amen ite bersyukur & nam gemuno ne moi dalen de baik..mako hok o pacok min ite moi sergo,awei o kulo kbelek ne. Semugo cerito siket yo,ade manfaat & ijai renungan magea ite kute ne..Amiin.  H Anton Sj - Topos

Continue Reading | komentar

Bersyukur Ade Ba Kucai Idup

Ade neanei te didik die a. Ijai ade lem crito ne mena'o kekek ngen kiong.
Bilai-bilai kiong coa nien as kemliak kekek,sinis bae..tip btemau trus ling kidek..tapi kekek tep bae awei biaso ne,tip btemau si berusaho smapo kiong,temnai kabar..kiong masiak bae coa dulai,jibeak gi miling e kemliak ne bae coa nyut kiong. Smudo ne kekek mraso serbo saleak,neker ne gemne ba kiong awei o ngen si,jano si yo ade saleak atau ade smingung perasaan kiong...
Nmot kekek bilai paling tepat ne,si lok temnai ngen kiong ..gensi saleak ne sapei kiong awei o ngen si. Akhir ne skitar jam 9 pueng,kekek magea kiong..Nadeak kekek,kiong..ite bi an idup neak daerah yo,tapi gemne ko trus sinis bae kemliak uku..jano ade uku menea saleak ngen ko atau ade uku smingung perasaan nu...? amen ade awei o uku lok minoi maaf,uku ijai serbo saleak ngen sikep nu awei o kiong nadeak kekek. Miuk kekek awei o,kiong lajau ba madeak..sebenea ne ko coa gen saleak kekek tapi uku meraso iri kemliak ko,ko ade kekea pat nam mlupat mini minoi ne,nam melwen. Sementaro uku,kliak ba..neak kdongku yo..coa ku namen gen jano si ban kebnek yo trus ade neak kdongku..lok te paneu benek asai ne. Miuk nadeak kiong yo kekek muloi namen masalah ne,gemne selamo yo kiong coa nien as kemliak kekek...
Nadeak kekek ngen kiong,sebenea ne ko saleak da kiong,ko cuma kemliak de baik ne bae geak ku,ko coa perneak kemliak kidek ne..ijai ko mangap ko trus kuang,padahal ite yo sesamo ade kuang ade kulo lebiak ne. Ati ngut sudo kekek madeak io,sapei sekep smimar kekek yo...sementaro kiong paneu coa sekep dulai ige,coa si upan ne.
Sejak peritiwa o,muloi kiong sadar..amen trus mukua awok ngen bayang-bayang tun,mako idup yo ijai spit..selalu mangap coa mampu,smudo ne ijai penyakit atei.
Nah,dio sekedar crito bnatang bae da..Ite lok mok hikmah kunei crito yo,jibeak selalu mangap ite coa mampu,sehinggo amen awei o bilai-bilai te trus ngen sipet pesimis,coa mudeak maju..minder trus,akhir ne ijai sipet kidek,iri serto dengki ngen tun luyen. Bersyukur ba ngen nikmat nlei Allah SWT ngen ite,gnuno ba nikmat o untuk menea uleak baik sesamo manusio,kute ite ade kuang ade kulo lebiak ne..tingea ite lok bersyukur jano coa ne. Smugo bermanfaat...

H. Anton-Topos

Continue Reading | komentar